اسلام آباد(مانیٹرنگ ڈیسک)شریف خاندان میں اختلافات اب جلسوں میں بھی کھل کرسامنے آگئے۔ تفصیلات کے مطابق شریف خاندان میں اختلافات کی خبریں تو مسلسل میڈیا کی زینت بنتی رہی ہیں تاہم اب شریف خاندان میں اختلافات جلسوں میں بھی نظر آنے لگ گئے ہیں۔اس بات کا انکشاف بورے والا میں شہباز شریف کے آج ہونے والے جلسے میں اس وقت ہوا جب سٹیج پر لگائے گئے بینرز نے سب کو حیران کر دیا کیونکہ یہ بینرز نوا زشریف کے جلسوں میں
استعمال کئے جانے والے بینرز سے یکسر مختلف تھے ۔ شہباز شریف کے جلسے میں بینرز میں ان کی تصویر کے ساتھ حمزہ شہباز کی تصاویر نظر آئیں جبکہ نواز شریف کے جلسوں میں لگے بینرز میں مریم نواز کی تصاویر نمایاں ہوتی ہیں۔ میڈیا رپورٹس میں یہ بات سامنے آنے کے بعد یہ کہا جا سکتا ہے کہ شریف خاندان میں مریم نواز اور حمزہ شہباز کو لے کرآج بھی اختلافات موجود ہیں جبکہ ن لیگ بھی اس حوالے سے واضح دو دھڑوں میں تقسیم پائی جاتی ہے۔
