اسلام آباد(مانیٹرنگ ڈیسک)سابق وزیراعظم نواز شریف اور ان کی صاحبزادی مریم نواز احتساب عدالت میں پیشی کے موقع پر صحافیوں کے سوالات کا جواب دے رہے تھے کہ اس موقع پر ایک صحافی نے نواز شریف سے سوال پوچھا کہ آپ کی جماعت کے اندر ایک رہنما ہیں جن کا تعلق راولپنڈی سے ہے۔ وہ مریم نواز کے حوالے سے بھی بیانات دے رہے ہیں اور پارٹی کو دھمکیاں بھی دے رہے ہیں کہ وہ ڈان لیکس رپورٹ منظر
عام پر لے آئیں گے جس پر نواز شریف تھوڑی دیر تو احتساب عدالت کے سامنے میڈیا کے سامنے اپنی گفتگو کے نکات جو کہ ایک کاغذ پر درج تھے ان کو دیکھتے رہے اور پھر اس کے بعد سوال پوچھنے والے صحافی کی جانب متوجہ ہو کر ہنسنے لگ گئے اس دوران ان کے دائیں ہاتھ پر کھڑی مریم نواز نے صحافی کے سوال پر دلچسپی لی اور ان کے چہرے پر بڑی معنی خیز مسکراہٹ بھی آئی تاہم وہ کچھ بولی نہیں۔
