اسلام آباد ( آئی این پی ) پاکستان تحریک انصاف کی منحرف رہنما و رکن قومی اسمبلی عائشہ گل لئی نے کہا ہے کہ لودھراں میں عوام نے عمران اینڈ کمپنی کو مسترد کردیا ۔ عوام نے منہ ٹیڑھا کر کے انگریزی بولنے والے ارب پتیوں کو مسترد کر کے ثابت کیاہے کہ جنوبی پنجاب کے لوگوں کو نوٹوں سے کو ئی خرید نہیں سکتا۔
عوام جیت گئی نوٹ ہار گئے ، ارب پتی سمجھتے تھے پیسوں سے سب کچھ خریدا جا سکتا ہے۔ ہیلی کاپٹر ، جہاز سب پیچھے رہ گے میں جنوبی عوام کا پیغام پورے پاکستان کو دینا چاہیتی ہوں کہ وہ آنے والے الیکشن میں ان کھرب پتیوں کو مسترد کر دئیں ۔
