اسلام آباد (مانیٹرنگ ڈیسک )لودھراں ضمنی الیکشن میں ن لیگ کے ہاتھوں عبرتناک شکست، پی ٹی آئی کے کارکنوں میں مایوسی پھیل گئی، مایوس کارکنوں کو حوصلہ دینے کیلئے تحریک انصاف نے خصوصی پیغام جاری کر دیا۔ تفصیلات کے مطابق حلقہ این اے 154لودھراں کے ضمنی الیکشن میں جہانگیر ترین کے بیٹے علی ترین کی ن لیگ کے امیدوار سید اقبال شاہ کے ہاتھوں عبرتناک شکست کے باعث پی ٹی آئی کارکنوں میں مایوسی پھیل گئی ہے جسے دور

کرنے کیلئے تحریک انصاف نے سماجی رابطوں کی ویب سائٹ ٹویٹر پر خصوصی پیغام جاری کیا ہے۔ پیغام میں کہا گیا ہے کہ ان تمام انصافیز کے لیے پیغام جو آج حلقہ 154کے نتائج پرافسردہ ہیں ،راہ میں آنے والا ہر دھچکا یہ موقع دیتا ہے کہ اپنی غلطی کو پہچانیں ،اسکی تصیح کریں اور مضبوط ہو کر واپس آئیں ۔کامیاب لوگ ،ادارے اور قومیں اپنی ناکامیوں سے سیکھتے ہیں ۔وہ لوگ جو مایوس ہو جاتے ہیں ،اپنے اہداف حاصل نہیں کر سکتے ۔2018کے الیکشن ہمارے ہیں ۔