اسلام آباد(مانیٹرنگ ڈیسک)پنجاب پولیس نے گزشتہ سال پولیس مقابلوں میں 269افراد کو پار کر دیا۔ ان افراد کو 239کارروائیوں میں ٹھکانے لگایا گیا، نجی ٹی وی دنیا نیوز اعدادو شمار سامنے لے آیا۔ تفصیلات کے مطابق نجی ٹی وی دنیا نیوز کی رپورٹ کے مطابق پنجاب پولیس نے گزشتہ سال 2017کے دورا ن 239پولیس مقابلوں میں 269لوگوں کو ٹھکانے لگایا
جبکہ 27جرائم پیشہ افراد زخمی حالت میں گرفتار کئے گئے۔ اعدادوشمار کے مطابق ان پولیس مقابلوں میں ملزمان کی فائرنگ سے 17اہلکار شہیدجبکہ 60زخمی ہوئے۔ رپورٹ کے مطابق حکام نے دعویٰ کیا ہے کہ سال 2016کے مقابلے میں سال 2017میں پولیس مقابلوں میں کمی آئی ہے۔خیال رہے کہ اعدادوشمار کے مطابق سال 2016میں پولیس کو 291مقابلوں کا سامنا کرنا پڑا تھا۔
