پرتھ(آن لائن)عالمی چیمپئن آسٹریلیا اور انگلینڈ کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا آخری میچ (آج) اتوار کو پرتھ میں کھیلا جائے گا، مہمان انگلش ٹیم کو سیریز میں 3-1 کی فیصلہ کن برتری حاصل ہے، انگلینڈ نے مسلسل سیریز کے ابتدائی تینوں میچز جیت کر سیریز میں فیصلہ کن برتری حاصل کی تھی جبکہ چوتھے
ون ڈے میں کینگروز فتح یاب رہے تھے۔انگلش ٹیم نے ون ڈے سیریز جیت کر ایشز سیریز میں شکست کا بدلہ چکا لیا تھا اور اب اس نے آخری میچ جیت کر سیریز کا جاندار انداز سے اختتام کرنے پر نظریں مرکوز کر لی ہیں جبکہ دوسری جانب میزبان ٹیم بھی آخری میچ جیتنے کیلئے پر جوش ہے اسلئے دونوں ٹیموں کے درمیان کانٹے دار مقابلے کی توقع کی جا رہی ہے۔
