لاہور(این این آئی)پاکستان سپرلیگ کے تیسرے ایڈیشن کیلئے آن لائن ٹکٹوں کی فروخت کا آغاز ہوگیا۔ تیسرا ایڈیشن 22فروری سے 25مارچ تک کھیلا جائے گاجس کا فائنل کراچی میں ہوگا۔تفصیلات کے مطابق ٹکٹوں کی قیمت بیس درہم، چالیس، ستر اورایک سو پچاس درہم تک رکھی گئی ہیں۔
پہلے مرحلے میں صرف شارجہ میں ہونیوالے میچزکی ٹکٹیں فروخت کیلئے پیش کی گئی ہیں۔دبئی کے میچز کی ٹکٹیں جلد آن لائن دستیاب ہونگی۔سپرلیگ کا تیسراایڈیشن بائیس فروری سے پچیس مارچ تک کھیلا جائے گا۔ایونٹ کے دو پلے آف میچز لاہور میں ہونگے جبکہ فائنل پچیس مارچ کو کراچی کے نیشنل اسٹیڈیم میں شیڈول ہے۔
