اسلام آباد (مانیٹرنگ ڈیسک)شادی کی خبر پر رام لیلا سنانے کے بجائے رپورٹر سے نکاح نامہ طلب کر لیتے، خان صاحب اپنے اور اپنے کارکنوں پر رحم کریں، پورا ملک ایک طرف اور عمران خان اپنی شادی کے ایشو پر کھڑے ہیں، جو ٹائمنگ کرکٹ میں استعمال کی وہ ذاتی زندگی میں نظر نہیں آتی، رئوف کلاسرا کے کپتان کو مشورے۔ تفصیلات کے مطابق نجی ٹی وی پروگرام میں گفتگو کرتے ہوئے معروف صحافی رئوف کلاسرا نے کپتان کو ان کی شادی کی ایشو پر مشورے دیتے ہوئے کہا ہے کہ بجائے
عمران خان اپنی شادی کی خبر بریک کرنے والے رپورٹر سے جواب میں نکاح نامہ طلب کرتے وہ رام لیلا سنانے لگ گئے۔ بجائے ان کو پھنسانے کے الٹا خود پھنس گئے۔ رام لیلا سنانے سے چار پانچ دن ایشو خبروں میں رہا۔ عمران خان کو چاہئے کہ وہ اپنے اور اپنے کارکنوں پر رحم کریں۔ جو ٹائمنگ ان کی کرکٹ میں نظر آتی تھی ان کی ذاتی زندگی میں نظر نہیں آتی۔پورا ملک ایک طرف کھڑا ہے اور عمران خان اپنی شادی کے ایشو پر کھڑے ہیں ، بجائے مخالفین کو پھنسانے کے ان ہی کی پچ پر جا کر میچ کھیلنے لگ گئے۔
