لاہور (نیوزڈیسک) قومی ٹیم کو بنگلہ دیش کے ہاتھوں شکست کا خمیازہ مزید کتنا عرصہ بھگتنا ہوگا، یہ تو فی الحال نہیں معلوم، البتہ رینکنگ میں تنزلی کی صورت میں اس کا آغاز ہوچکا ہے۔ آئی سی سی رینکنگ میں سب سے زیادہ زوال جن کھلاڑیوں کو آیا ان میں محمد حفیظ اور سعید اجمل شامل ہیں۔ آل راو¿نڈر کے طور پر شامل محمد حفیظ آل راو¿نڈ رینکنگ میں پانچویں پوزیشن پر آگئے ہیں۔ تینوں میچز میں کل8رنز بنانے والے حفیظ کی بیٹنگ میں رینکنگ پانچ درجے ڈراپ ہوئی۔ اب وہ38ویں نمبر پر ہیں۔ محمد حفیظ کو بولنگ ایکشن پر پابندی کے باعث پہلے دو میچز میں بولنگ کا موقع نہ مل سکا۔ تیسرے میچ میں جب ایکشن کلیئر ہونے کے سبب موقع ملا تو بھی وہ کچھ نہ کر سکے اور اب تین درجہ تنزلی کے ساتھ وہ19ویں نمبر پر ہیں۔
ادھر سعید اجمل کو دوسرا سے محرومی نے شدید طور پر متاثر کیا۔ وہ پانچویں سے ساتویں پوزیشن پر آگئے ہیں۔ جنید خان کی پوزیشن میں 10درجوں کی کمی آئی اور وہ49وین پوزیشن پر جا پہنچے۔ عمر گل79ویں پوزیشن پر آئے۔ انکی پوزیشن میں پانچ درجہ تنزلی ہوئی ہے۔ وہاب ریاض ان چند پاکستانیوں میں شامل ہیں جو خراب سیریز کے باوجود بھی رینکنگ بہتر بنانے میں کامیاب رہے۔ وہاب چار درجہ بہتری کے ساتھ68ویں جبکہ بلے بازوں میں حارث سہیل17درجہ بہتری سے79 ویں پوزیشن پر آگئے۔ کپتان اظہر علی پہلی بار ون ڈے ریکنگ میں شامل ہوئے۔ ان کی پوزیشن85ہے۔ دوسری جانب بنگلہ دیشی کرکٹرز مشفیق الرحیم، سومیہ سرکار، عرفات سنی پاکستان کی خراب پرفارمنس کی بدولت کیریئر کی بلند ترین رینکنگ پوزیشنز پر پہنچ گئے۔