لاہور( این این آئی )لاہور قلندرز نے عاقب جاوید کو ٹیم کا ہیڈ کوچ اور فخر زمان کو نائب کپتان مقرر کردیا،عاقب جاوید ڈائریکٹر کرکٹ آپریشنز کی ذمہ داریاں بھی نبھاتے رہیں گے ۔اس بات کا اعلان لاہور قلندرز کے چیئرمین رانا فواد نے عاقب جاوید، فخر زمان اور دیگرکے ہمراہ پریس کانفرنس کرتے ہوئے کیا ۔ انہوں نے کہا کہ لاہور قلندرز میں نئے لوگوں کو لانے کافیصلہ کیا ہے،
قلندرز کے نائب کپتان فخر زمان ہوں گے اور برینڈن میکولم کی کپتانی میں ٹیم آگے جائے گی۔ان کا کہنا تھا کہ فخر زمان کو میکولم سے سیکھنے کا موقع ملے گا، اس بار ٹیم ضرور کامیاب ہوگی۔اس موقع پر فخر زمان نے کہا کہ عاقب جاوید سے ٹریننگ کے لیے رابطہ کیا، نیشنل کرکٹ اکیڈمی میں ٹریننگ نے بھی کافی صلاحیتیں ابھاریں جبکہ میری کامیابی میں لاہور قلندرز کا بہت ہاتھ ہے۔
