ممبئی(این این آئی)بالی ووڈ کی اداکارہ کنگنا رناوت نے فلم فیئرایوارڈز سمیت دیگر ایوارڈز کی تقریبات میں شرکت نہ کرنے کی وجہ بتادی۔ بھارتی میڈیا رپورٹس کے مطابق 2006 میں بننے والی فلم ’گینگسٹر‘ سے ڈیبیو کرنے والی اداکارہ کنگنا رناوت اپنی جاندار اداکاری کے ساتھ ساتھ متنازع بیانات کی وجہ سے خاصی مقبول ہیں جب کہ وہ فیئر ایوارڈ اور نیشنل سمیت متعدد ایوارڈز اپنے نام کرچکی ہیں لیکن وہ بھی

بالی ووڈ کے مسٹر پرفیکشنسٹ عامر خان کی طرح ایوارڈز شو میں شرکت نہیں کرتی اور اب اداکارہ نے آخر اس راز سے بھی پردہ اٹھادیا۔ایک انٹریو میں کنگنا رناوت نے ایوارڈ شوز میں نہ جانے کی وجہ بتاتے ہوئے کہا کہ وہ آرگنائزرز کے رویے کی وجہ سے ایوارڈ شوز میں شرکت نہیں کرتی کیوں کہ جب انہیں فلم ’لائف ان میٹرو‘ میں

معاون اداکارہ کا کردار نبھانے پر ایوارڈ ملنا تھا لیکن ٹریفک جام ہونے کی وجہ سے تقریب میں 10 سے 15 منٹ دیر سے پہنچی جس پر وہ ایوارڈ سوہا علی خان کو فلم ’رنگ دے بسنتی‘ پر دیا گیا، اور وہ لمحہ میرے لئے حیران و پریشان کردینے والا تھا۔