پرتھ (آئی این پی)آسٹریلوی کپتان اسٹیون اسمتھ نے پرتھ میں کھیلے گئے تیسرے ایشز ٹیسٹ میں آسٹریلیاکی پہلی اننگزمیں اپنی239رنزکی اننگزکا 112 واں رن مکمل کیا تو وہ2017 میں اس کے ایک ہزار رنز بھی مکمل ہوگئے۔ یہ مسلسل چوتھا سال ہے کہ وہ ٹیسٹ میچوں میں ایک ہزار رنز کا سنگ میل عبورکررہے ہیں۔ اس سے قبل مکمل کرکٹ تاریخ میں یہ کارنامہ صرف میتھیوہیڈن ہی سرانجام دے سکے تھے

جنہوں نے 2001 سے 2005 تک لگاتار پانچ سالوں میں ایک ہزار سے زائد ٹیسٹ رنز اپنے کھاتے میں ڈالے تھے۔میتھیوہیڈن اور اسٹیو ن اسمتھ کے بعد محض تین کھلاڑی مسلسل 3سالوں میں ایک ایک ہزار رنزکا سنگ میل عبورکرسکے ہیں جن میں برائن لارا(2003-05)، مارکوس ٹریسکو تھک (2003-05) اورکیون پیٹرسن (2006-08) شامل ہیں۔حالیہ چار سالوں میں اسٹیون اسمتھ کی کارکردگی حقیقتا غیرمعمولی رہی ہے۔