لاہور( این این آئی) انٹر نیشنل کرکٹ کونسل نے کھلاڑیوں کی نئی ٹیسٹ رینکنگ جاری کردی جس کے مطابق اسٹیو اسمتھ بیٹنگ، جیمز اینڈرسن بولنگ اور شکیب الحسن آل راؤنڈر کی فہرست میں ٹاپ پوزیشن پر براجمان ہیں۔تازہ ترین ٹیسٹ رینکنگ میں ابتدائی دس بلے بازوں میں پاکستان کی جانب سے اظہر علی آٹھویں پوزیشن پر ہیں جبکہ 10 بہترین بلے بازوں میں آسٹریلیا،نیوزی لینڈاور بھارت کے دو،دوجبکہ پاکستان، انگلینڈ، سری لنکا اور جنوبی افریقا کا ایک ایک بلے باز شامل ہے۔
آسٹریلیا کے اسٹیو سمتھ پہلے،بھارت کے ویرات کوہلی دوسرے، بھارت کے ہی بھارت کے ہی چتسور پجارا نے ایک درجہ ترقی پا کر تیسری پوزیشن حاصل کرلی۔نیوزی لینڈ کے کین ولیمسن چوتھے، انگلینڈ کے جوئے روٹ پانچویں، آسٹریلیا کے ڈیوڈ وارنر چھٹے ، ساؤتھ آفریقہ کے ہاشم آملہ ساتویں، پاکستان کے اظہر علی آٹھویں، سری لنکا کے دنیش چندی مل نویں جبکہ نیوزی لینڈ کے روز ٹیلر دسویں نمبر پر براجمان ہیں۔بہترین بولرز کی فہرست میں انگلینڈ کے جیمز اینڈرسن ٹاپ پوزیشن پر موجود ہیں جبکہ دس بہترین بولروں میں پاکستان کا کوئی بولر شامل نہیں۔جنوبی افریقہ کے کگیسو رابادا 876 پوائنٹس کے ساتھ دوسرے، بھارت کے روندرا جدیجا تیسری، روی چندرن ایشون چوتھی، آسٹریلیا کے جوش ہیززلی وڈ پانچویں، سری لنکا کے رنگنا ہیراتھ چھٹی، نیوزی لینڈ کے نیل ویگنر ساتویں، آسٹریلیا کے مچل اسٹارک آٹھویں، آسٹریلیا کے ہی نیتھن لیون نویں جبکہ جنوبی افریقا کے ڈیل اسٹین دسویں پوزیشن پر موجود ہیں۔پانچ بہترین آل راؤنڈرز کی فہرست میں بھی پاکستان کا کوئی کھلاڑی شامل نہیں۔اس فہرست میں بنگلادیش کے شکیب الحسن نے ٹاپ آل رانڈر پوزیشن پر قبضہ جمائے رکھا ہے جبکہ بھارت کے روندرا جدیجا دوسرے، انگلینڈ کے بین اسٹوک تیسرے، روی چندرن ایشون چوتھے اور انگلینڈ کے معین علی فہرست میں پانچویں پوزیشن پر موجود ہیں۔
