ویلنگٹن(آئی این پی)نیوزی لینڈ اور ویسٹ انڈیز کی کرکٹ ٹیموں کے درمیان تین ون ڈے میچوں پر مشتمل سیریز کا پہلا میچ(آج)بدھ کو کھیلا جائے گا۔ اس سے قبل میزبان ٹیم نیوزی لینڈ دو ٹیسٹ میچز کی سیریز کلین سویپ کر چکی ہے۔ کیویز نے پہلے کرکٹ ٹیسٹ میچ میں ویسٹ انڈیز کی ٹیم کو ایک اننگز اور 67 رنز شکست دی جبکہ دوسرے

اور آخری ٹیسٹ میچ میں ویسٹ انڈیز کی ٹیم کو 240 رنز سے ہرا کر سیریز کلین سویپ کرلی۔ واضح رہے کہ دونوں ٹیموں کے درمیان دوسرا ون ڈے 23 دسمبر جبکہ تیسرا اور آخری 26 دسمبر کو کھیلا جائے گا۔ دونوں میچز کرائسٹ چرچ میں کھیلے جائیں گے۔