لاہور(آئی این پی)سلیکشن کمیٹی نے دورہ نیوزی لینڈ کیلئے قومی کرکٹ ٹیم کے ون ڈ ے اورٹی 20اسکواڈ کوحتمی شکل دیدی۔ذرائع کے مطابق ،سلیکشن کمیٹی، کوچ اورکپتان ون ڈے اورٹی 20اسکواڈ پرمتفق ہوگئے ہیں۔انجری سے صحتیاب

ہونے کے بعد سابق کپتان اظہرعلی کی ٹیم میں واپسی ہوگی، فخرزمان، امام الحق اوراظہرعلی، بطوراوپنرٹیم میں شامل ہوں گے۔مڈل آرڈرکا شعبہ بابر اعظم،محمد حفیظ،شعیب ملک، حارث سہیل سنبھالیں گے، کپتان سرفرازاحمد کے ساتھ فہیم اشرف آل راؤنڈرہوں گے، شاداب خان اور عماد وسیم بطوراسپنر ٹیم میں شامل ہوں گے،فاسٹ بولرزمیں محمدعامر،جنید خان رومان رئیس، حسن علی شامل ہوں گے۔ٹی 20اسکواڈ میں احمد شہزاد،فخرزمان، عمرامین، بابراعظم،محمد حفیظ، سرفرازاحمد، شعیب ملک، حارث سہیل، شاداب خان، عماد وسیم، محمد عامر،رومان رئیس اورحسن علی شامل ہوں گے،ٹی20 اسکواڈ کا اعلان جنوری کے پہلے ہفتے میں کیا جائیگا۔