پرتھ( آن لائن) آسٹریلوی تماشائی معین علی کو ’’کباب والا‘‘ کہہ کر چھیڑنے لگے۔معین علی نے ایک انٹرویو میں انکشاف کیا کہ رواں ایشز سیریز کے دوران انھیں آسٹریلوی تماشائی کی نسلی فقرے بازی کا سامنا ہے، انھوں نے کہاکہ باؤنڈری کے قریب فیلڈنگ کے دوران ایک شخص نے مجھ سے پوچھا کہ آپ کی کباب کی دکان کتنے بجے کھلتی ہے،
معین علی نے واضح کیا کہ وہ ایسا کرنے والوں کے خلاف آفیشل شکایت کرنے کا کوئی ارادہ نہیں رکھتے نہ ہی ان کے ساتھ لفظی بحث میں الجھنا چاہتے ہیں۔ انھوں نے کہا کہ اپ کو کراؤڈ کی جانب سے کچھ اچھی چیزیں سننے کو ملتی ہیں اور کچھ لوگ بہت زیادہ اچھے بھی نہیں ہوتے مگر آپ کو ایسی چیزوں کو برداشت کرنا پڑتا ہے۔
