لاہور(نیوز ڈیسک) سپاٹ فکسنگ کیس میں سزا یافتہ محمد عامر کو ڈومیسٹک کرکٹ میں کھیلنے کی اجازت کے بعد آئی سی سی اینٹی کرپشن نے سابق کپتان سلمان بٹ کو بھی طلب کیا ہے۔ ذرائع کا کہنا ہے کہ حالیہ آئی سی سی اجلاس میں چیئرمین پی سی بی شہریار خان نے سلمان بٹ کے رویئے کی تعریف کی اور انہیں بھی ڈومیسٹک کرکٹ کھیلنے کی رعایت دینے کی سفارش کی ہے۔ آئی سی سی اینٹی کرپشن نے سابق کپتان سے رابط کیا ہے اور انہیں ایک دو روز میں دبئی آنے کی حتمی تاریخ بھی دی جائے گی۔ جس کے بعد امکان ہے کہ سلمان بٹ کو بھی ڈومیسٹک کرکٹ کھیلنے کی اجازت مل سکتی ہے۔