کراچی (مانیٹرنگ ڈیسک) ڈی جی محکمہ موسمیات ڈاکٹر غلام رسول نے کہاہے کہ کراچی میں رواں ماہ نومبر پچھلے سال کے نومبر سے زیادہ سرد گزر رہا ہے۔ڈی جی محکمہ موسمیات نے بتایا کہ قندھار سے ٹھنڈی ہوائیں کراچی آنے سے درجہ حرارت گر رہا ہے۔انہوں نے بتایا کہ شہر کے درجہ حرارت میں ایک سے 2 ڈگری سینٹی گریڈ اضافہ ہوگا۔اس کے علاوہ بلوچستان
کے مختلف شہروں میں خشک ہواؤں نے سردی کی شدت میں اضافہ کیا ٗ گلگت بلتستان آزاد کشمیر، خیبر پختو نخوا کے دیگر بالائی علاقے بھی سردی کی لپیٹ میں آگئے جبکہ سندھ سمیت پنجاب کے بیشتر شہروں میں بھی ٹھنڈ بڑھنے لگی ٗمحکمہ موسمیات کے مطابق اب تک سب سے کم درجہ حرارت استور میں 2، اسکردو اور کالام میں 6 ڈگری سینٹی گریڈ ریکارڈ کیا گیا۔
