نئی دہلی(این این آئی)بھارت میں شادی سے انکار پر عاشق نے خاتون انجینئر کو پٹرول چھڑک کر اس کے گھر میں آگ لگادی ،میڈیارپورٹس کے مطابق ایس اندوجا نام کی ایک نوجوان خاتون انجینئر کو اسی کے ایک ساتھی نوجوان نے شہر کے ایدم بکم علاقہ میں اس کے گھر کے دروازے پر جلا دیا ۔اندوجا کی ماں رینوکا اور چھوٹی بہن نیویدیتا جنہوں نے اندوجا کو بچانے کی کوشش کی ،جھلس گئیں اور وہ دونوں بھی اسپتال میں ہیں۔اس کی ماں49فیصدجل
گئی جبکہ بہن آئی سی یو میں ہے۔پولیس کے مطابق یہ نوجوان خاتون انجینیئر سے محبت کرتا تھا اور اندوجا اسے کئی بار جھڑک چکی تھی۔گزشتہ شب وہ پونے 9بجے اندوجا کے گھر گیا اور اس سے بات کرنا چاہی لیکن اسکے گھر والوں نے اس کی اجازت نہیں دی جس پر اس نے طیش میںآکر اندوجا پر پٹرول چھڑکا اور لائٹر جلا کر اسے نذر آتش کر دیا۔واردات کے وقت اندوجا کا باپ گھر پر نہیں تھا۔مبینہ قاتل جو سائنس گریجویٹ ہے گرفتار کر لیا گیا۔
