بنگلور (نیوزڈیسک) ویسٹ انڈیز کے کیرن پولارڈ اور کرس گیل کو آئی پی ایل میں کھیلتا دیکھنا ہر کرکٹ شائق کا خواب ہوتا ہے، اس کی وجہ دونوں کا کھیل ہی نہیں بلکہ فیلڈ میں ان کی دلچسپ حرکات و سکنات بھی ہوتی ہیں۔ گزشتہ روز بھی کیرن پولارڈ کی جانب سے منفرد طرز کا رویہ دیکھنے کو ملا جب ان کا کرس گیل سے جھگڑاہوا۔ ممبئی انڈینز اور کولکتہ رائل چیلنجرز کے بیچ میچ کی دوسری اننگز کے تیسرے اوور کے آغاز پر کرس گیل اور کیرن پولارڈ کے بیچ تو تو میں میں ہوگئی۔ اس موقع پر انگلینڈ کے امپائر رچرڈ النگورتھ اور ونیت کلکرنی کو مداخلت بھی کرنا پڑی۔ پولارڈ کو امپائرز کی یہ مداخلت ایک آنکھ نہ بھائی جس کے بعد انہوں نے ڈریسنگ روم کا رخ کیا، جہاں سے وہ منہ پر ٹیپ چپکائے واپس آئے۔ پولارڈ کی اس حرکت سے ان کے ٹیم کے ساتھیوں ، کوچنگ سٹاف بشمول رکی پونٹنگ، روبن سنگھ کے چہروں پر بے اختیار مسکراہٹ آگئی۔