اسلام آباد(نیوز ڈیسک) ایشیاءکپ کیلئے قومی بلائنڈ کرکٹ ٹیم کا اعلان 30 اپریل کو ہوگا۔ پاکستان بلائینڈ کرکٹ کونسل کے حکام کے مطابق ایشیاءکپ 9 سے 17 مئی تک راولپنڈی میں کھیلا جائے گا جس میں بنگلہ دیش، نیپال اور سری لنکا کی ٹیموں نے تحریری طور پر شرکت کی تصدیق کر دی ہے جبکہ بھارت نے دورہ انگلینڈ کی وجہ سے ایونٹ میں شرکت سے معذرت کر لی ہے۔ انہوں نے کہا کہ 26 سے 30 اپریل تک ہونے والے پی اے ایف ٹی 20 بلائینڈ کرکٹ ٹورنامنٹ میں شاندار کارکردگی دکھانے والے کھلاڑیوں کو ایشیاءکپ کیلئے ٹیم میں شامل کیا جائے گا۔