اسلام آباد(مانیٹرنگ ڈیسک) وزیرمملکت برائے داخلہ طلال چوہدری کا کہنا ہے کہ انصاف دیا جائے، انصاف نوازشریف کا حق ہے۔تفصیلات کے مطابق وزیرمملکت برائے داخلہ طلال چوہدری نے احتساب عدالت کے باہر میڈیا سے گفتگوکرتے ہوئے کہا کہ شریف خاندان ووٹ کے تقدس کو اہمیت دیتا ہے۔وزیرمملکت برائے داخلہ نے کہا کہ نوازشریف پہلے پیچھے ہٹے تھے نہ اب پیچھے ہٹیں گے۔طلال چوہدری نے کہا کہ تلخیاں بڑھیں تونواز شریف کےلہجےمیں سختی آئی، نا انصافی ختم ہوئی توتلخی اورسختی بھی ختم ہوجائے گی۔

وزیرمملکت برائے داخلہ نے کہا کہ شفاف ٹرائل نوازشریف کا حق ہے جبکہ نوازشریف سے ڈیل کا ایک ہی اصول ہےادارے آئین کے مطابق چلیں۔طلال چوہدری نے کہا کہ مشرف کےلاڈلے کسی قانون کو نہیں مانتے۔ انہوں نے کہا کہ عمران خان کی گردن میں مشرف کا دیا سریا آج ضرور جھکے گا۔وزیرمملکت برائے داخلہ طلال چوہدری نے کہا کہ مریم نوازکو ریفرنس میں نوازشریف کواذیت دینے کے لیےشامل کیا گیا جبکہ نواز شریف سے چند شرائط منوانے کے لیے کوششیں کی جا رہی ہیں۔