واشنگٹن(نیوزڈیسک )کسی بڑی اور عالمی شخصیت کے بارے میں لائیو ٹی وی پر کہے گئے الفاط اگ کی جنگل کی طرح پھیل جاتے ہیں اور جو مدتوں لوگوں کے ذہنوں سے نہیں نکلتے ایسا ہی کچھ ہوا امریکی خاتون اول مشعل اوباما کے ساتھ جسے ایک ٹی وی اینکر نے بندریا سے تشبیہ دے دی بس پھر کیا تھا یہ الفاظ منٹوں مین دنیا بھر کی ویب سائٹ کا حصہ بن گئے۔امریکی نشریاتی ادارے یونی ویڑن نیٹ ورک کے میزبان روڈنر فیگیورا کو اس وقت نوکری سے نکال دیا گیا جب انہوں نے مشعل اوباما کے بارے میں تعصبانہ کلمات ادا کرتے ہوئے انہیں ہالی ووڈ فلم ”پلانٹ آف دی ایپس“ کا ایک کردار قرار دیا۔
بعد ازاں یونی ویڑن کے ترجمان نے روڈنر فیگیورا کی جانب سے جاری بیان کی شدید الفاظ میں مذمت کرتے ہوئے کہا ہے کہ اس قسم کا بیان یونی ویڑن کی پالیسی سے مطابقت نہیں رکھتا۔
مزید پڑھئے:بھارتی وزیرداخلہ نے پاکستان کو بڑی دھمکی دے دی
دوسری جانب ٹی وی میزبان نے امریکی صدر باراک اوباما کو ایک خط لکھا جس میں انہوں نے اپنے بیان پرشرمندگی اور معذرت کی جب کہ وائٹ ہاوس نے اس صورتحال پر کسی قسم کے تبصرے سے گریز کیا ہے۔
