لاہور(مانیٹرنگ ڈیسک)گیم شو اور انعام کا جھانسہ دیکر متعدد شہریوں کو لوٹ لیا گیا۔ٹکٹ خریدکرگیم شو میں شرکت کی خواہش مہنگی پڑگئی ۔ جیتو لاہور کے نام پر لاہوریے لٹ گئے ۔متاثرین نے احتجاج کرکے غصہ نکالا تو پولیس بھی متحرک ہوگئی۔جیتو لاہور کے نام سے آن لائن ٹکٹ بک کروانےوالےشہری جب مقررہ مقام پرپہنچے تو وہاں کوئی گیم شو تھا نہ ہی انتظامیہ ۔ گیم شو کے نام پر عوام سے دھاکہ کردیا گیا۔متاثرہ
افراد کا کہنا ہے کہ فی ٹکٹ 18 سو روپے کی فروخت کی گئی۔ اور شکایت پر پولیس نے بھی کوئی تعاون نہیں کیا۔پولیس کا کہنا ہے کہ ایونٹ مینجمنٹ کے چار افراد کو حراست میں لیا گیا ہے جن میں دو خواتین بھی شامل ہیں۔ قانونی کارروائی کرکے مرکزی ملزمان کو بھی جلد گرفتار کیا جائے گا۔رپورٹ کے مطابق جیتو لاہور گیم شو کے نام پر ملزمان کئی لاکھ روپے کی خطیر رقم لے کر فراڈ کے مرتکب ہوئے ہیں۔
