سری نگر(نیوزڈیسک )مقبوضہ کشمیر میں بھارتی جارحیت کے خلاف مکمل شٹر ڈاون ہڑتال ہے جبکہ آج بھی بھارتی فورسز کی فائرنگ سے ایک نہتہ کشمیری نوجوان شہید اور متعدد زخمی ہو گئے اوریاسین ملک کوبھی گرفتارکرلیاگیا۔مقبوضہ کشمیر میں بھارتی جارحیت، نہتے کشمیری عوام پر لاٹھی جارچ اور رہنماوں کی گرفتاری کے خلاف حریت کانفرنس کے چیرمین سید علی گیلانی کی کال پر پوری مقبوضہ وادی میں شٹر ڈاون ہڑتال ہے۔ اس موقع پر تمام کاروباری مراکز، مارکیٹیں اور اسکول بند جب کہ ٹریفک سڑکوں سے غائب ہے۔ سری نگر میں مظاہرین پر بھارتی فورسز کی فائرنگ سے ایک نوجوان شہید جب کہ متعدد زخمی ہو گئے۔ دوسری جانب حریت رہنماوں کی گرفتاری کیخلاف بھوک ہڑتال کرنے والے یاسین ملک کو بھی بھارتی فورسز نے گرفتار کر لیا جب کہ حریت رہنما مسرت عالم کو 7 روز کے ریمانڈ پر پولیس کے حوالے کر دیا گیا