اسلام آباد(نیوزڈیسک)پاکستانی فاسٹ باﺅلر احسان عادل زخمی ہونے کے باعث بنگلہ دیش کے ساتھ ون ڈے سیریز سے باہر ہو گئے ہیں۔تفصیلات کے مطابق پاکستان اور بنگلہ دیش کے درمیان سیریز جاری ہے جس میں قومی ٹیم کے سکواڈ میں شامل فاسٹ باﺅلر احسان عادل پریکٹس سیشن کے دوران پاﺅں پرچوٹ لگنے سے زخمی ہوگئے ہیں جس کے بعد ڈاکٹرز نے انہیں آرام کا مشورہ دیا ہے۔ ٹیم منیجمنٹ ذرائع کے طابق احسان عادل کو ون ڈے سیریز سے باہر کر دیا گیا ہے اور آج شام فاسٹ باﺅلر کو وطن واپس بھجوایا جائے گا۔ واضح رہے کہ کل ہونے والے پہلے ایک روزہ میچ میں قومی ٹیم کو بنگلہ دیش کے ہاتھوں 79رنز سے شکست کا سامنا کرنا پڑا ہے اوریہ امید ظاہر کی جارہی تھی
کہ دوسرے میچ میں فاسٹ باﺅلر احسان عادل کو 11 رکنی ٹیم میں شامل کیا جائے گا لیکن فاسٹ باﺅلر کی انجری کے باعث قومی ٹیم کو شکست کے بعد ایک اور بڑا دھچکا لگا ہے۔
