اسلام آباد(نیوز ڈیسک) آسٹریلوی ٹیسٹ ٹیم کے کپتان مائیکل کلارک کا کہنا ہے کہ کیون پیٹرسن ایک بہترین کھلاڑی ہیں اس لئے انھیں ایشزسیریز میں کھیلنا چاہے۔ میلبورن میں میڈیا سے بات چیت کرتے ہوئے ان کا کہنا تھا کہ پیٹرسن ان دنوں اچھی کارکردگی کا مظاہرہ کر رہے ہیں اس لئے انگلش بورڈ کو انھیں ایشز سیریز کے لئے ٹیم میں شامل کرنا چاہیے کیونکہ وہ ایک بہترین کھلاڑی ہیں۔ کلارک کا مزید کہنا تھا کہ اگر میں آسٹریلین کپتان کے طور پر دیکھوں تو پیٹرسن کا ٹیم میں نہ ہونا آسٹریلین ٹیم کے لئے فائدہ مند ہو گا۔واضح رہے کہ 2013-14کی ایشز میں 5-0کی عبرت ناک شکست کے بعد پیٹرسن کو انگلش ٹیم سے باہر کر دیا گیا تھا۔