ڈھاکہ (نیوزڈیسک) قومی ٹی ٹوئنٹی ٹیم کے کپتان شاہد آفریدی نے ایک انٹرویو میں کہا ہے کہ وہ چاہتے تو ورلڈ کپ کے بعد بھی کھیل سکتے تھے تاہم انہوں نے نئے ٹیلنٹ کو ٹیم میں جگہ دینے کیلئے اپنے کیریئر کی قربانی دی۔ انہوں نے کہا کہ انہوں نے نہ کبھی اپنے ساتھ زیادتی ہونے دی اور نہ ہی کبھی ٹیم کے ساتھ زیادتی کی۔ اس موقع پر آفریدی نے ٹیسٹ کی کپتانی چھوڑنے کی وجہ اسے انجوائے نہ کرپانا بتائی۔ انہوں نے کہا کہ اگر آپ کھیل کو انجوائے نہیں کررہے تو اس میں سکور کرنا بھی مشکل ہے، اسی لئیے میں نے ٹیسٹ چھوڑنے کا فیصلہ کیا۔
میرے لئے پانچ ورلڈ کپ کھیلنا بہت اعزاز کی بات ہے۔ بڑے بڑے ناموں کے ساتھ کھیل کر یہاں تک پہنچا ہوں۔ ون ڈے کے موجودہ کپتان اظہر علی کے بارے میں انہوں نے کہا کہ وہ اچھے بیٹسمین اور اچھے انسان ہیں مگر ہماری ٹیم کو جارحانہ کپتان کی ضرورت ہے۔ وقار یونس اور مشتاق احمد کو چاہئے کہ انہیں جارحانہ انداز سے قیادرت کرنا سکھائیں۔ ورلڈ کپ کے پہلے سے آخری میچ تک میڈیا کا کردار بہت منفی تھا۔ انہوں نے کہا کہ میں نے احمد شہزاد کو ٹی ٹوئنٹی ٹیم میں شامل کرنے کا مطالبہ کیا اور ہر اس کھلاڑی کو ٹیم میں لانے کی کوشش کروں گا جو ٹیم کے لئے اچھا ہو۔