میرپور(نیوز ڈیسک) بنگلہ دیش نے پاکستان کے خلاف پہلے ایک روزہ میچ میں مثبت آغاز کرتے ہوئے پانچ اوورز کے اختتام پر 31 رنز بنا لیے ہیں۔بنگلہ دیش نے پاکستان کے خلاف پہلے ایک روزہ میچ میں ٹاس جیت کر پہلے بیٹنگ کا فیصلہ کیا۔
بنگلہ دیش کی جانب سے تمیم اقبال اور سومیا سرکار اننگ کا آغاز کر رہے ہیں اور دونوں کھلاڑیوںنے اب تک پاکستانی باو¿لنگ کا ڈٹ کا مقابلہ کیا ہے۔پاکستان نے میچ میں سعد نسیم اور محمد رضوان کو ڈیبیو کراتے ہوئے انہیں تجربہ کار اسد شفیق پر فوقیت دی گئی ہے۔دوسری جانب کپتان مشرفی مرتضیٰ پر پابندی کے سبب بنگلہ دیشی ٹیم کی قیادت آل راو¿نڈر شکیب الحسن کریں گے جو 1999 کے بعد پہلی مرتبہ پاکستانی ٹیم کو شکست دینے کے لیے پرعزم ہیں۔دونوں ٹیموں کے درمیان اب تک ہونے والے 32 میچوں میں پاکستان نے 31 جبکہ بنگلہ دیش نے واحد فتح 1999 کے ورلڈ کپ میں حاصل کی تھی۔
سابق کپتان مصباح الحق اور شاہد آفریدی کی ریٹائرمنٹ کے بعد پاکستانی ٹیم پہلی مرتبہ کسی حریف کے مدمقابل ہو گی۔پاکستان کو دورے پر ابتدا میں ہی اس وقت دھچکا لگا جب سہیل خان انجری کے سبب ایونٹ سے باہر ہو گئے اور پھر لیگ اسپنر یاسر شاہ پریکٹس میچ میں انجری کے باعث ایک روزہ میچز کی سیریز سے باہر ہو گئے۔اس دوران پریکٹس میچ میں بنگلہ دیش کرکٹ بورڈ الیون سے شکست نے پاکستان کی تیاریوں کو شدید نقصان پہنچا۔قومی ٹیم کے نئے کپتان اظہر علی نے کہا ہے کہ پریکٹس میچ میں شکست کا کوئی دباو¿ نہیں اور ٹیم فتح کے ساتھ نئے دور کا آغاز کرنے کے لیے پرعزم ہے۔
میچ کیلئے پاکستانی ٹیم ان کھلاڑیوں پر مشتمل ہے۔
اظہر علی(کپتان)، سرفراز احمد، محمد حفیظ، محمد رضوان، سعد نسیم، حارث سہیل، فواد عالم، وہاب ریاض، راحت علی، جنید خان اور سعید اجمل۔بنگلہ دیشی ٹیم ان کھلاڑیوں کے ساتھ میدان میں اتر رہی ہے۔شکیب الحسن(کپتان)، تمیم اقبال، سومیا سرکار، محموداللہ، مشفیق الرحیم، شبیر رحمان، ناصر حسین، ابو الحسن، عرفات سنی، روبیل حسین اور تسکین احمد۔