لاہور( نیوز ڈیسک) پی سی بی حکام یہ دیکھ کر خوشی سے پھولے نہیں سما رہے ہیں کہ لاہور میں جاری قومی کرکٹ ٹیموں کے مشترکہ ٹریننگ کیمپ میں سینئر کھلاڑی مصباح الحق اور یونس خان نوجوان کھلاڑیوں کو کھیل کی بہتری کیلئے ہدایات اور مشورے دیتے ہوئے ان کی بھرپور رہنمائی کر رہے ہیں۔ اس حوالے سے ایک پی سی بی آفیشل کا کہنا تھا کہ دونوں سینئر کھلاڑیوں نے کیمپ میں موجود نوجوان بیٹسمینوں اور بالرز کی بھرپور مدد کی ہے اور ان کی خامیاں دور کرنے میں معاونت کر رہے ہیں۔ چیف سلیکٹر ہارون رشید نے بھی خوشی کا اظہار کیا ہے کہ دونوں سینئرز نوجوان کھلاڑیوں کو ٹائم دے رہے ہیں۔