سانگلہ ہل ( آئی این پی)سا نگلہ ہل میں تہرے قتل کی واردات میں بیوی بہو اور پوتی کو زبح کر نے والے سفاک قاتل کی گرفتار ی پولیس کیلئے چیلنج بن گئی مفرور قاتل نواز کاہلوں نے وقوعہ کے 4روز بعد مقتولین کی قبروں پر مزید 2افراد کو قتل کرنے کی تحریردرج کر دی پورا گاؤں قبروں پر لکھی ملزم کی اس تحریر ی دھمکی سے سراپا احتجاج بن گیا پولیس بھی قبر ستان پہنچ گئی اہل گاؤں کی طرف سے ملزم کی فوری گرفتاری کا مطالبہ
تفصیل کے مطابق نواحی گاؤں چک 43کوٹلہ خورد میں 4روز قبل 50سالہ زمیندار ملزم محمد نواز کاہلوں نے گھریلو ناچاقی پر گھر کے اندر اپنی بیوی کوثر بیگم ،بہو عائشہ بی بی اور اپنی 4سالہ پوتی مناہل کو ٹوکے کے وار کرکے قتل کردیا اور انہیں زبح کرتے ہوئے ان کے سر تن سے جدا کردیے اور راہ فرار اختیا ر کر گیا تھا نہ صدر پولیس سانگلہ ہل نے تینوں مقتولین کی نعشوں کو قبضے میں لے کر ملزم کے بیٹے خرم علی کے بیان پر مقدمہ درج کیا تھا اور مقتولین کو مقامی قبرستان میں دفن کر دیا گیا تھا اور پولیس ملزم کی گرفتاری کیلئے 4روز سے چھاپے مار رہی ہے اس دوران سفاک ملزم نواز کاہلوں نے رات کے وقت قبرستان میں آکر اپنی مقتولہ بیوی کوثر بی بی کی قبر پر یہ تحریر کردی کہ میں مزید 2افراداپنے داماد محمد نعیم اوراپنے بھائی محمد اسلام کو قتل کرنے کے بعد گرفتاری دو نگا صبح مقتولہ کو ثر بی بی کا بیٹا اپنے عزیزوں کے ساتھ ماں کی قبر پر فاتحہ پڑھنے گیا تو قبر پر یہ تحریر دیکھ کر خوفزدہ ہو گیا اور پھر پورا گاؤں قبرستان میں جمع ہو کر سراپااحتجاج بن گیا ملزم کے اس عمل سے گاؤں بھر میں خو ف وہراس پھیلا ہوا ہے ۔
