ممبئی (این این آئی)کئی فلموں میں اپنی شاندار اداکاری کے جوہر دکھانے والی باجی رائو کی مستانی دپیکا پڈوکون ایک بار پھر مہارانی کا کردار نبھاتی ہوئی نظر آئیں گی ۔بھارتی میڈیا رپورٹس کے مطابق ڈمپل گرل سنجے لیلا بھنسالی کی نئی فلم میں مشہور حکمران علائو الدین خلجی کی بیوی پدماوتی کا کردار میں جلوہ گر ہوں گی جو اپنی خوبصورتی، بہادری اور ذہانت کے باعث

مشہور تھی جبکہ ان کے مدمقابل رنویر سنگھ علائو الدین خلجی کا کردار نبھائیں گے جس کا پہلا پوسٹر منظر عام پر آگیا ہے۔اس فلم میں رنویر اور دپیکا پڈوکون کے علاوہ شاہد کپوربھی مرکزی کردار میں جلوہ گر ہوں گے ۔فلم کی دیگر کاسٹ میں آدتیہ رائو حیدری،جم سربھ،سونو سود اور ارونودے سنگھ بھی شامل ہیں۔فلم رواں سال1دسمبر کوسنیما گھروں میں ریلیز کی جائے گی۔