لاہور( این این آئی)پاکستان پیپلز پارٹی نے سابق وزیر اعظم نواز شریف سے پارٹی رہنمائوں کی ملاقات کی خبروں کی تردید کرتے ہوئے کہا ہے کہ ایسی خبریں ایک خاص ایجنڈے کے تحت چلائی جارہی ہیں،آصف زرداری اور بلاول بھٹو واضح کر چکے ہیں کہ نواز شریف سے کوئی رابطہ نہیں ہوگا ۔ مرکزی سیکرٹری اطلاعات چوہدری منظور کی طرف سے جاری بیان میں کہا گیا

ہے کہ پیپلز پارٹی کا مسلم لیگ (ن)کی قیادت سے کوئی رابطہ نہیں،نواز شریف سے پارٹی رہنمائوں کی ملاقات کی خبر جھوٹی اور بے بنیاد ہے اور ایسی خبریں ایک خاص ایجنڈے کے تحت چلائی جا رہی ہیں،میڈیا کو اس طرح کی بے بنیاد خبریں چلانے سے پہلے حقائق معلوم کرنے چاہئیں۔ انہوں نے کہا کہ آصف زرداری اور بلاول بھٹو واضح کر چکے ہیں کہ نواز شریف سے

کوئی رابطہ نہیں ہوگا۔نواز شریف کا جمہوریت کیلئے ساتھ دیا تھا،کرپشن بچانے کیلئے کبھی ساتھ نہیں دیں گے۔