کراچی (مانیٹرنگ ڈیسک)پاکستان کے معروف اور متنازعہ اینکر پرسنڈاکٹر عامر لیاقت حسین سوشل میڈیا پر جگت بازی کے باعث بھی کافی توجہ حاصل کر رہے ہیں۔عامر لیاقت نے سماجی رابطے کی ویب سائٹ ٹویٹر پر خواجہ سعد رفیق کوطنزاََ سخت تنقید کا نشانہ بنایا ہے۔تفصیلات کے مطابق وفاقی وزیر خزانہ اسحاق ڈار پر جس دن فرد جرم عائد کی گئی تھی اسی دن خواجہ سعد رفیق نے انہیں انتہائی دین دار اور بہترین منتظم قرار دیا تھا۔
جس کے بعد سوشل میڈیا صارفین نے سخت رد عمل کا اظہار کیاتھا ۔خواجہ سعد رفیق کے ٹویٹ کے بعد عامر لیاقت حسین نے تو سب کو پیچھے چھوڑ دیا اورطنزاََ انتہائی سخت تنقید کر ڈالی۔خواجہ سعد رفیق نے کہا کہ ” اسحاق ڈار ایک دیانتدار اور دیندار شخص ہیں ، ڈوبتی ہوئی قومی معیشت کو سنبھالا دے کر آن ٹریک کرنا ان کی عظیم قومی خدمت ہے“۔
اسحاق ڈار ایک دیانتدار اور دیندار شخص ھیں – ڈوبتی ھوٸ قومی معیشت کو سنبھالا دیکر آن ٹریک کرنا اُن کی عظیم قومی خدمت ھے-
— Khawaja Saad Rafique (@KhSaad_Rafique) September 27, 2017
خواجہ سعد رفیق کے جواب میں ڈاکٹر عامر لیاقت حسین نے کہا کہ ” سنی لیونی ایک باپردہ اور مشرقی روایات کی علمبردار شخصیت ہیں، ڈوبتی بے پردگی کو سہارا دے کر فحاشی وعریانی کا خاتمہ ان کی عظیم عالمی خدمت ہے“۔
سنی لیونے ایک باپردہ اور مشرقی رایات کی علمبردار شخصیت ہیں، ڈوبتی بے پردگی کو سہارا دے کر فحاشی وعُریانی کا خاتمہ اُن کی عظیم عالمی خدمت ہے https://t.co/WMDTaHFoYM
— Aamir Liaquat Husain (@AamirLiaquat) September 28, 2017
عامر لیاقت حسین کے اس جواب کو سوشل میڈیا صارفین کی جانب سے خوب پسند کیا جا رہا ہے، ساتھ ساتھ کچھ لوگ انہیں تنقید کا نشانہ بھی بنا رہے ہیں۔سوشل میڈیا پیجز پر ان دونوں ٹویٹس کے سکرین شارٹس بھی شیئر کیے جا رہے ہیں۔
