اسلام آباد (مانیٹرنگ ڈیسک) وزیر خزانہ اسحاق ڈار پر فردجرم عائد ہونے کے بعد یہ چہ مگوئیاں جاری ہیں کہ وہ شریف خاندان کا ساتھ دیں گے یا الگ ہو جائیں گے ان مشکل حالات میں گورنر سندھ نے نیا پنڈوڑہ باکس کھول دیا۔ تفصیلات کے مطابق سندھ کے گورنر زبیر عمر نے یہ انکشاف کیا ہے کہ وزیر خزانہ اسحاق ڈار نے

سابق وزیراعظم نواز شریف کو دھوکہ دیا ہے۔ گورنر سندھ نے کہا کہ اسحاق ڈار نے ملکی معاشی مسائل پر سابق وزیراعظم کو گمراہ کیا اور سب اچھا ہے کا گن گاتے رہے اور انہیں حقیقت کے برعکس اندھیرے میں رکھا۔ گورنر سندھ کے اس بیان کے بعد پارٹی  تناﺅ میں مزید اضافہ ہوتا جا رہا ہے۔