اسلام آباد (مانیٹرنگ ڈیسک) تحریک انصاف کے چیئرمین عمران خان نے کہا ہے کہ سپریم کورٹ کی طرف سے نا اہل قرار دیے جانے کا فیصلہ قبول کروں گا۔ ایک نجی ٹی وی چینل کے پروگرام میں بات چیت کرتے ہوئے تحریک انصاف کے چیئرمین عمران خان نے کہا کہ میرے خیال میں میرے خلاف کوئی ایسا کیس نہیں ہے جس کی وجہ سے مجھے نااہل قرار دیا جائے لیکن اگر پھر بھی سپریم کورٹ مجھے نااہل قرار دیتی ہے تو
مجھے یہ فیصلہ منظور ہو گا اور میں اسے قبول کروں گا اور اپنی نا اہلی کے فیصلے کے خلاف کسی قسم کا احتجاج نہیں کیا جائے گا۔ یاد رہے کہ تحریک انصاف کے چیئرمین عمران خان کے خلاف سپریم کورٹ میں غیر قانونی طریقے سے بنی گالہ جائیداد بنانے کا کیس چل رہا ہے، بنی گالہ جائیداد کے اس کیس میں تحریک انصاف کے چیئرمین عمران خان کو ممکنہ طور پر نا اہل قرار دیا جا سکتا ہے۔
