لاہور(نیوز ڈیسک) پاکستانی کرکٹر شعیب ملک نے اپنی اہلیہ ثانیہ مرزا کی چارلسٹن اوپن میں کامیابی اور عالمی نمبر ایک بننے پر خوشی کا اظہار کیا ہے، انہوں نے اپنے جذبات کے اظہار کیلئے ٹوئٹر کا سہارا لیا اور خود کو ثانیہ مرزا کا نمبر ون فین قرار دے دیا۔ شعیب ملک نے ایک ٹویٹ میں ثانیہ مرزا کی تصویر شیئر کی جس میں انہوں نے لکھا کہ مسز ملک ٹینس رینکنگ میں عالمی نمبر ایک بن گئی ہیں، تمام پاکستانیوں کی طرف سے انہیں مبارکباد۔ دوسری ٹویٹ میں انہوں نے اپنی اور ثانیہ کی ایک تصویر شیئر کی جس کے ساتھ انہوں نے یہ بھی لکھا کہ وہ ثانیہ کے نمبر ون فین ہیں۔ ثانیہ مرزا نے بھی اپنی خوشی کے اظہار کیلئے ٹوئٹر کا سہارا لیا اور کہا کہ وہ اس کامیابی کو خود کو آسمانوں میں اڑتا محسوس کر رہی ہیں۔