سڈنی(نیوز ڈیسک) آسٹریلین فاسٹ بالر پیٹر سڈل نے اپنی دیرینہ گرل فرینڈ اینا ویدر لیک سے منگنی کرلی۔ دونوں تقریباًگزشتہ چار سال سے ایک ساتھ ہیں مگر انہوں نے ابھی تک شادی کیلئے کوئی منصوبہ بندی نہیں کی ہے۔ پیٹر سڈل نے اپنے کتے کی مدد سے اینا کو شادی کیلئے پرپوز کیا تاہم ساتھی کھلاڑی ڈیوڈ وارنر اور جمعے کو ازدواجی اننگز کا آغاز کرنے والے کلنٹ میک کے کی طرح انہوں نے فی الحال شادی کے بارے میں نہیں سوچا ہے۔ پیٹر سڈل کی منگیتر ایناویدر لیک کا کہنا ہے کہ وہ منگنی پر کافی زیادہ خوش ہیں۔