اسلام آباد (مانیٹرنگ ڈیسک) پیپلز پارٹی سے تحریک انصاف میں رہنماؤں کا شمولیت کا سلسلہ جاری ہے، اب تحریک انصاف پیپلز پارٹی کی منڈی بہاؤالدین میں بھی وکٹیں گرانے والی ہے، تفصیلات کے مطابق تحریک انصاف 8 اکتوبر کو منڈی بہاؤالدین میں ایک بڑا پاور شو کرنے جا رہی ہے، جس میں تحریک انصاف کے چیئرمین عمران خان شام پانچ بجے ایک عظیم الشان جلسے سے خطاب کریں گے، اس جلسے میں تحریک
انصاف کے کارکنوں کی ایک کثیر تعداد موجود ہو گی اس موقع پر ایک اہم اعلان کیا جائے گا، تحریک انصاف نے پاکستان پیپلز پارٹی کی مزید وکٹیں گرانے کا فیصلہ کر لیا ہے۔ اس موقع پر پی پی 119 کی پیپلز پارٹی کی مقامی قیادت حاجی افضل چن اور وسیم افضل چن کی تحریک انصاف میں شمولیت متوقع ہے، اس کے علاوہ این اے 109 میں ندیم افضل چن جو پیپلز پارٹی کے اہم رہنما ہیں کی بھی تحریک انصاف میں شمولیت کا امکان ہے۔
