اسلام آباد (مانیٹرنگ ڈیسک) سندھ نیشنل فرنٹ نے پاکستان تحریک انصاف میں ضم ہونے کا فیصلہ کر لیا، تفصیلات کے مطابق سندھ نیشنل فرنٹ نے تحریک انصاف میں انضمام کا فیصلہ کر لیا ہے اور اس کا اعلان سندھ نیشنل پارٹی کے سربراہ ممتاز بھٹو جلد ہی کریں گے۔ ممتاز بھٹو نے اپنی جماعت کو پاکستان تحریک انصاف میں ضم کرنے کا فیصلہ کر چکے ہیں، پارٹی سربراہ ممتاز بھٹو کی زیر صدارت حیدرآباد میں اجلاس ہوا، اس اجلاس کا ایجنڈا یہ تھا کہ
تحریک انصاف میں شمولیت کی جائے یا نہ کی جائے، سینٹرل کمیٹی نے پارٹی کے چیئرمین ممتاز بھٹو کو اس بات کا اختیار دے دیا ہے اور ممتاز بھٹو نے فیصلہ کیا ہے کہ سندھ نیشنل فرنٹ کو تحریک انصاف میں ضم کردیا جائے گا۔ یاد رہے کہ پاکستان تحریک انصاف کے چیئرمین عمران خان اس مہینے کے آخر میں کراچی جا رہے ہیں اور واثق امید ہے کہ ان کی کراچی آمد کے موقع پر سندھ نیشنل پارٹی کے سربراہ ممتاز بھٹو پارٹی کے انضمام کا اعلان کر دیں گے۔
