اسلام آباد (این این آئی)خیبر پختونخوا کے ضلع شانگلہ میں تھاکوٹ ہائیڈرو پاور پراجیکٹ کی تکمیل سے 4ہزار میگاواٹ بجلی حاصل ہو گی۔ ذرائع وزارت توانائی کے مطابق سی ڈی ڈبلیو پی نے 2012ء میں منصوبے کے قابل عمل ہونے کی رپورٹ تیار کرنے کیلئے 71 کروڑ 96 لاکھ روپے سے زائد کی پی سی ون کی منظوری دی تھی۔ تھاکوٹ ہائیڈروپاور کنسلٹنٹس کی جانب سے 2سال

کے عرصہ میں قابل عمل ہونے کی رپورٹ تیار کرنے کے معاہدے پر نومبر 2015ء میں دستخط کئے گئے جس کے تحت کنسلٹنسی کنٹریکٹ کے لئے 39 کروڑ 64 لاکھ روپے سے زائد رکھے گئے۔ اس رپورٹ کی تیاری کا عمل جاری اور رواں سال دسمبر میں مکمل ہونے کی توقع ہے جس کے بعد منصوبے پر لاگت کا حتمی اندازہ لگایا جا سکے گا۔