اسلام آباد(نیوز ڈیسک)پاکستان کرکٹ ٹیم کے نائب کپتان سرفراز احمدنے دورہ بنگلہ دیش میں بھی شاندار کارکردگی کوجاری رکھنے کے عزم کااظہار کیاہے۔ورلڈ کپ میں اچھی کارکردگی پر انھیں قومی ٹیم کا نا ئب کپتان بنا دیا گیاہے۔لاہور میں تربیتی کیمپ کے دوران میڈیا سے گفتگو کرتے ہوئے ان کا کہنا تھا کہ پاکستان ٹیم کانائب کپتان بنناان کے لیے اعزاز کی بات ہے اور وہ شاندار کارکردگی کے سلسلے کو جاری رکھیں گے۔ اظہر علی کے بارے میں ان کا کہنا تھا کہ اظہر اچھا دوست ہے اورہم دونوں مل کر ٹیم کو کامیابیاں دلائیں گے۔دورہ بنگلا دیش کا آغاز 17اپریل سے ہوگا،دورے میں پاکستان کرکٹ ٹیم 3ون ڈے،2ٹیسٹ اور ایک ٹی ٹوئنٹی میچ کھیلے گا۔