لاہور(نیوز ڈیسک) فنڈز کی کمی کے باعث ملتوی ہونے والاقومی ہاکی ٹریننگ کیمپ ایک ہفتے کے وقفے کے بعد 13 اپریل سے دوبارہ شروع ہوگا۔ پنجاب حکومت نے پی ایچ ایف کی مالی مدد کردی۔
تفصیلات کے مطابق ورلڈ ہاکی لیگ سیمی فائنلز کی تیاریوں کے لیے قومی ہاکی ٹریننگ کیمپ اسلام آباد کے نصیربندہ اسٹیڈیم میں جاری تھا کہ 3 اپریل کو پی ایچ ایف نے فنڈز کی کمی کے باعث اسے ملتوی کردیا ،فیڈریشن حکام کا کہنا تھا کہ ان کے پاس کیمپ میں شریک پلیئرز کو یومیہ الاو¿نس دینے کے لیے پیسے نہیں ہیں، اس صورتحال کے بعد بھارتی فیڈریشن نے پی ایچ ایف کو مدد فراہم کرنے کی پیش کش کی لیکن اسے ملکی مفاد کو مدنظر رکھتے ہوئے ٹھکرادیا گیا، قومی ہاکی حکام کا کہنا تھا کہ یہ پاکستان کا اندرونی مسئلہ ہے اور اس پر مل بیٹھ کر قابو پالیا جائے گا، اس کے بعد پی ایچ ایف کے صدر اختر رسول نے حکومتی عہدیداروں سے بھی ملاقاتیں کیں اور انھیں ساری صورتحال سے آگاہ کیا۔ اس صورتحال میں پنجاب اسپورٹس بورڈ آگے آیا اور اس نے مشکل سے دوچار قومی کھیل کو سہارا دینے کا بیڑا اٹھایا۔
گذشتہ روز اسپورٹس بورڈ پنجاب نے پاکستان ہاکی فیڈریشن کی مالی اعانت کردی ہے جس کے بعد بیلجیئم میں ہونے والے اولمپکس کوالیفائنگ راو¿نڈ اور دیگر انٹرنیشنل ٹورنامنٹ کی تیاریوں کیلیے قومی ہاکی کیمپ دوبارہ سے 13اپریل کو ہاکی اسٹیڈیم لاہور میں شروع کرنے کا فیصلہ کیا گیا۔ پی ایچ ایف حکام کے مطابق جوہر بارو ہاکی اسٹیڈیم لاہور میں لگنے والے کیمپ میں کھلاڑی 3 انٹرنیشنل ایونٹس کی تیاری کریں گے، گرین شرٹس نے مئی میں آسٹریلیا میں 4 ملکی سیریز میں شرکت کرنی ہے اس کے بعد اسی ماہ جنوبی کوریا میں میزبان ٹیم کے ساتھ ٹیسٹ میچز کا انعقاد ہوگا۔ پاکستان ٹیم بعدازں 20 جون سے اولمپک کوالیفائرز کی حیثیت رکھنے والے ورلڈ ہاکی لیگ سیمی فائنلز ایونٹ میں شرکت کرے گی۔ ا?سٹریلیا میں چار ملکی مقابلے 2 سے 10 مئی تک ہوبارٹ میں شیڈول ہیں، جنوبی کوریا کیخلاف ٹیسٹ میچز 16 سے 25 مئی تک انچون میں کھیلے جائیں گے۔