اسلام آباد (مانیٹرنگ ڈیسک)نجی ٹی وی پروگرام کے دوران رئوف کلاسرا نے میزبان و اینکر محمد مالک کو مخاطب کرتے ہوئے اپنے ساتھ بیٹھے سینئر صحافی و تجزیہ کار حامد میر کی جانب اشارہ کرتے ہوئے کہا کہ حامد میر بڑے ہی ظالم آدمی ہیں ، نام تو میں نہیں بتا سکتا
کیونکہ یہ ان کا سیکرٹ ہے، ان کو پروگرام میں بریک کے دوران ان کو ایک بڑے ہی قریبی اور بچپن کے دوست جن کی یہ بہت عزت بھی کرتے ہیں کا فون آگیا، اور فون پر انہوں نے سفارش بھی کی کہ میاں عتیق کو بچا لینا، مگر انہوں نے پھر بھی انہیں نہیں بچایا ، یہ ایسے ظالم آدمی ہیں۔ اس دوران محمد مالک نے رئوف کلاسرا کی بات پر بتایا کہ فون کی آواز اونچی تھی اور وہ آواز انہیں بھی آرہی تھی، مگر حامد میر سے زیادہ ظالم آدمی آپ ہیں جنہوں نے بریک کے دوران ہونیوالی بات آن سکرین کر دی۔ اس دوران حامد میر نے رئوف کلاسرا کو مخاطب کرتے ہوئے کہا کہ دیکھ لیں سفارش بھی آئی مگر میں نے نہیں چھوڑا، جس پر رئوف کلاسرا نے کہا کہ اسی بات کی تو داد دے رہا ہوں آپ کو، صحافی کا اور کام کیا ہے کہ بکرا نیچے آجائے تو اسے ذبح کردو۔ دوران پروگرام کیا کیا باتیں ہوئیں۔ ۔ویڈیو ملاحظہ کریں!
