اسلام آباد (مانیٹرنگ ڈیسک) کلثوم نواز کے بارے میں افسوسناک خبر سامنے آ گئی۔ تفصیلات کے مطابق کلثوم نواز جو کہ سابق وزیراعظم نواز شریف کی اہلیہ ہیں اور گلے کے کینسر کے عارضہ میں مبتلا تھیں کہ بارے میں ایک ویب سائٹ نے دعویٰ کیا ہے کہ کلثوم نواز کا انتقال ہو گیا ہے اس خبر کے منظر عام پر آتے ہی سوشل میڈیا پر ان کے چاہنے والوں میں شدید اضطراب کی لہر دوڑ گئی اور انہوں نے اس من گھڑت خبر
پرسخت غصے کا اظہار کیا۔ لیکن اس سلسلے میں جب مسلم لیگ (ن) کے لندن میں اراکین سے رابطہ کیا گیا تو انہوں نے اس خبر کو قطعی من گھڑت اور بے بنیاد قرار دیتے ہوئے بتایا کہ کلثوم نواز صحت یاب ہیں اور انہیں گھر شفٹ کیا جا چکا ہے۔ اس موقع پر شریف فیملی نے اس مشکل گھڑی میں کلثوم نواز کے لئے دعائیں کرنے والوں کا شکریہ ادا کیا۔
