اسلام آباد (مانیٹرنگ ڈیسک) نواز شریف پاکستان آتے ہیں تو یہاں ریگولر کیس کی سماعت شروع ہو گی ، اور اگر وہ وہاں لندن میں رہتے ہیں تو بزدل مشہور ہو جاتے ہیں، سانحہ ماڈل ٹاؤن کی رپورٹ اب سامنے آ ہی جائے گی، جس دن یہ رپورٹ سیکرٹریٹ میں آئی تھی
اس دن رانا ثنا اللہ بہت ڈسٹرب رہے، سابق بیوروکریٹ اور معروف تجزیہ کار اوریامقبول جان کی نجی ٹی وی پروگرام میں گفتگو۔ تفصیلات کےمطابق سابق بیوروکریٹ اور معروف تجزیہ کار اوریا مقبول جان نے نجی ٹی وی پروگرام میں گفتگو کرتے ہوئے کہا ہے کہ نواز شریف پاکستان واپس آتے ہیں تو پھر انہیں یہاں عدالتوں کا سامنا کرتے ہوئے ریگولر کیس کی سماعت کا سامنا کرنا پڑے گا اور اگر وہاں لندن میں رہتے ہیں تو بزدل مشہور ہو جاتے ہیں، وطن واپسی یا لندن میں قیام نواز شریف کیلئے بہت بڑا مسئلہ بن گیا ہے۔ اوریا مقبول جان کا کہنا تھا کہ سانحہ ماڈل ٹائون کی رپورٹ اب سامنے آہی جائے گی، ان کا کہنا تھا کہ وہ رپورٹ انہوں نے خود دیکھی ہے اور جس دن یہ رپورٹ سیکرٹریٹ میں آئی اس دن پنجاب کے وزیر قانون رانا ثنا اللہ بہت ڈسٹرب رہے ، رانا ثنا اللہ نے رپورٹ دیکھ کر کہا کہ اس رپورٹ میں مجھے توقیر شاہ کے برابر لاکھڑا کیا گیا ہے۔
