دبئی (این این آئی)متحدہ عرب امارات نے ایک قدم آگے بڑھتے ہوئے روایتی ایندھن کے بجائے بجلی پر چلنے والی ماحول دوست کار کو استعمال شروع کیا ہے۔عرب ٹی وی کے مطابق دبئی پولیس کی جنرل کمانڈ کی جانب سے جاری کردہ ایک بیان میں کہا گیا کہ نئی ماحول دوست الیکٹرک کار دبئی کے ہوائی
اڈوں کی پولیس کومہیا کی گئی ہے۔دبئی پولیس نے سماجی رابطوں کی ویب سائٹ ’فیس بک‘ پر پوسٹ کردہ ایک بیان میں کہا ہے کہ نئی الیکٹرک گاڑی اور اسے چلانے والی پولیس پارٹی دبئی کے بین الاقوامی ہوائی ڈے اور آل مکتوم ہوائی اڈوں کی حدود کے اندر رہے گی۔ یہ ماحول دوست کار اپنی جدت،
خوبصورت ڈیزائن اور تیز رفتاری میں بھی بے مثل ہے۔
