ریاض(نیوزڈیسک)سعودی عرب میں نجی کمپنی کے پاکستانی ملازمین 3ماہ سے اپنی تنخواہوں سے محروم ہیں۔ڈان نیوز کے مطابق سعودی عرب میں ایک نجی کمپنی نے ملازمین سے بیگار لینا شروع کر دی ہے اور ریاض اور جازان میں اس نجی کمپنی میں کام کرنے والے پاکستانی ملازمین کا کہنا ہے کہ انہوں پچھلے 3ماہ سے تنخواہ نہیں دی گئی اور نہ ہی انہیں وہ وطن واپس آسکتے ہیں کیونکہ ان کے پاسپورٹ نجی کمپنی نے قبضے میں لے رکھیں ہیں۔ ان کا مزید کہناتھا کہ انہیں کمپنی سے باہر جانے کی اجازت نہیں ہے جس کی وجہ سے وہ پاکستانی سفارتخانے سے رابطہ نہیں کر پارہے۔ کمپنی میں کام کرنے والے بھارتی ،نیپالی اوربنگلہ دیشی ملازمین نے بھی یہی شکایت کی ہے۔