کراچی ( نیوزڈیسک ) پاکستان تحریک انصاف کے چیئرمین عمران خان کے دورہ کراچی کے دوران پہلی بدمزگی سامنے آ گئی ہے۔تفصیلات کے مطابق تحریک انصاف کے چیئرمین عمران خان 2 روزہ دورہ پر آج شام کراچی پہنچیں تھے اور ان کی جانب سے اعلان کیا گیا تھا کہ وہ رات 9 بجے پریس کانفرنس سے خطاب کریں گے۔عمران خان کی پریس کانفرنس کے دوران صحافیوں کی جانب سے احتجاج شروع کر دیا گیا اور اچانک بدنظمی پیدا ہو گئی۔صحافیوں کی جانب سے موقف اپنایا گیا کہ انہیں کوریج کے لیے آنے نہیں دیا جا رہا اور تشدد کا نشانہ بھی بنایا گیا ہے۔میڈیا نمائندگان کی جانب سے عمران خان کی پریس کانفرنس کا بائیکاٹ کیا گیا لیکن عمران خان نے خود معذرت کر کے اور تحریک انصاف کے رہنما?ں کی جانب سے مداخلت کر کے معاملے کو رفع دفع کروا دیا گیا جس کے بعد عمران خان کی پریس کانفرنس دوبارہ شروع کر دی گئی۔