رانچی (نیوز ڈیسک) بھارتی کرکٹ ٹیم کے کپتان مہیندرا سنگھ دھونی کو ٹریفک قوانین کی خلاف ورزی پر جرمانے کی سزا سنائی گئی ہے۔ رانچی پولیس کے مطابق دھونی کو نمبر پلیٹ درست طریقے سے نصب نہ کئے جانے پر جرمانہ کیا گیا ہے۔ قوانین کے مطابق نمبر پلیٹ کو موٹر سائیکل کے سامنے اور پشت پر افقی سمت میں فٹ کرنے کے بجائے دھونی نے جدت پیدا کرتے ہوئے سامنے والے پہیئے سے متصل مڈگارڈ پر پلیٹ کو ٹیڑھے رخ پر فٹ کر رکھا تھا جس پر دھونی کو 500روپے جرمانے کی سزا سنائی گئی تھی جسے دھونی کے اہل خانہ نے ادا کردیا ہے۔ پاکستان میں کچھ عرصہ قبل عمر اکمل نے ٹریفک قوانین کی خلاف ورزی کی تھی اور بعد ازاں ہٹ دھرمی کا مظاہرہ کیا تھا جس کا انجام ان کی حوالات کی سیر کی صورت میں سامنے آیا تھا۔